Tembang

Padha gulangen ing kalbu
ing sasmita amrih lantip,
aja pijer mangan nendra,
keprawiran den kaesthi,
pesunen sariranira,
sudanen dhahar lan guling.


                                           Dadia lakunireku,
                                           cegah dhahar lawan guling,
                                           lan aja asuka-suka,
                                           anganggoa sawatawis,
                                           ala wateke wong suka,
                                           nyuda prayitnaning batin.

Yen wis tinita dadya gung,
aja sirah gunggung dhiri,
aja raket lan wong ala,
kang ala lakunereki,
nora wurung ngajak ala,
temahane nenulari.

                                           Nadyan asor wijilipun,
                                           yen kelakuane becik,
                                           utawa sugih carita.
                                           Carita kang dadi misil,
                                            iku pantes raketana,
                                           darapon mundhak kang dadi.